«Կոնտրաֆակտի հետևանքները տնտեսության և հանրային առողջության վրա» թեմայով համաժողով
Ֆրանսիա Հայաստան ԱԱՊ-ը ՀՖՀՀ-ի հետ համատեղ կազմակերպել էր կոնտրաֆակտի թեմայով համաժողով, որին ներկա էին արդարադատության նախարար պարոն Կարեն ԱՆԴՐԵԱՍՅԱՆԸ և Առողջապահության նախարար տիկին Անահիտ ԱՎԱՆԵՍՅԱՆԸ։
«Կոնտրաֆակտի հետևանքները տնտեսության և հանրային առողջության վրա» խորագրով համաաժողովն անցկացվեց ՀՖՀՀ-ի ուսանողների լսարանի առջև: Իրենց խոսքով հանդես եկան Ֆրանսիա Հայաստան ԱԱՊ-ի նախագահ Տիգրան ԱՌԱՔԵԼԵԱՆԸ, ՀՖՀՀ -ի ռեկտոր Բերտրան ՎԵՆԱՐԸ, բիզնեսի ղեկավարներ, ինչպես նաև Հայաստանի մի շարք կառավարական կազմակերպությունների ներկայացուցիչներ։
Հայաստանում հիմնված ֆրանսիական ընկերությունների դե ֆակտո խոսնակ Տիգրան ԱՌԱՔԵԼԵԱՆԸ ներկայացրեց իր դիպուկ զեկույցը հայաստանյան շուկայում առկա այն երևույթի մասին, որ «անորակ կեղծ ապրանքները նսեմացրել են Հայաստանի տնտեսության իմիջը միջազգայնորեն և պոտենցիալ ներդրողների մոտ, ովքեր հետաքրքրված են ներդրումներ կատարել այստեղ»:Եվ ավելացրեց, որ «Հայաստանի խոշորագույն խանութների ցանցում վաճառվում են կեղծված շամպուններ, որոնցում ԱՀԿ-ի (Առողջապահության համաշխարհային կազմակերպության) կողմից դասակարգված որպես քաղցկեղածին ապրանքների հետքեր կան»: