[Նոր անդամ] Արդշինբանկ

Ֆրանսիա Հայաստան Առևտրաարդյունաբերության պալատը՝ Տիգրան Առաքելյանի նախագահությամբ ուրախությամբ ողջունում է Ardshinbank-ին որպես պալատի նոր անդամ։

Հայաստանի բանկային ոլորտի առաջատար դերակատարներից մեկը՝ Ardshinbank-ը, որը երկրի խոշորագույն բանկն է ակտիվների ծավալով, միանում է մեր ցանցին՝ ակտիվորեն նպաստելու գործարար կապերի զարգացմանն ու նոր բիզնես հնարավորությունների ամրապնդմանը։

2025 թվականի հունիսի 30-ի դրությամբ բանկի ընդհանուր ակտիվները գերազանցել են 2 390 միլիարդ ՀՀ դրամը, վարկային պորտֆելը կազմել է ավելի քան 1 300 միլիարդ ՀՀ դրամ, իսկ հաճախորդների ավանդները՝ ավելի քան 1 500 միլիարդ ՀՀ դրամ՝ արտացոլելով թե՛ ֆիզիկական անձանց, թե՛ կազմակերպությունների շարունակական վստահությունը բանկի ծառայությունների նկատմամբ։

Ինչպես նշել է Պալատի նախագահ Տիգրան Առաքելյանը․ «Մեզ համար մեծ պատիվ է ողջունել Ardshinbank-ին մեր անդամների շարքում։ Նրա ֆինանսական փորձառությունը, կայունությունը և հայկական տնտեսության մեջ ունեցած առաջատար դերը ավելի կուժեղացնեն մեր գործարար համայնքի ազդեցությունը»։

Բարի գալուստ Ardshinbank-ին Առևտրաարդյունաբերության պալատի ընտանիք։